امتحان صعب اوي ادخل و جاوب

امتحان السفارة المصرية للحصول على الجنسية
صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
- بص في ورقتك يا حيواااان!

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..
- و لو بتشجع أي فرقة من الفرق الأجنبية "ريال مدريد ولا برشلونة " مافيش دين أم جنسية

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت "طارق نور" ( )
- صح يا أهبل ، كل حاجة في رمضان بصوت طارق نور

4- شاي الجوهرة حتة سكرة ( )

5- يحكم مصر النظام الملكي ( )

الاهلاوية امل

ايه رايكم Very Happy

بجد امتحان صعب جداااااااااااااااااااااااااااااااااااااااااااااااااااااا

حاجة هبله جدا جدا جدا

انتى عبيطة يا بت
؟؟؟؟؟؟؟

وحياه هبلك ده لاحبسك بلاسئله الارهابية دى

وهنباة نزورك بعيش وحلاوة ان شا ءالله

الحبسجية مى

انت ايه يا شيكا مش عاتق حد

لا يا ميكا
انتا عارفنى الى على قلبى على لسانى

وانا هكتفى بكدة علشان خاطرك انتا وابراهيم بس
مشعلشان خوف من حد تانى

وياريت الحوار ده ينتهى علشان اتخنقت

بس اية الأسئلة الجمدة دى

لا والله اسئله جامده بس انا مش عايز الجنسيه كده كده هعمل بيها ايه

بجدالامتحان صعب اوى و مفيش امتحان زيه
وكده محدش عيحصل على الجنسيه المصريه
والمصريين معاهم الجنسيه زى قلتها ولا لها لازمه